Marwari Jokes: A Marwari Villager Gets an ATM Card/ ऐ टी एम् कार्ड भोत काम आवै

😁😁😁 कुचरनी 😂😂

मेरो बैंक में खातो कोनी ! बियां भी गंडक नारेळ को के करै ? सिर में फोड़े के?

कनै टींडसी को बीज नै हुवै तो खेती-बाड़ी को के मतलब ?.....
सीधी साधी बात आ कै , थे जाणो हो के बैंक खातो जद खोलै .....जद आदमी रीपिया जमा करै !

और मेरै कन्नै किस्या लोट पडया है ।

अबै मैं दूसरा आदम्या कन्नै ए टी एम् कार्ड देखूं जणा मेरो जी बळै ।
रीपिया हुवो चाहे ना हुवो ......
ए टी एम् कार्ड तो हवणों ही चाहिजै ........
आदमी की इज्जत बढ़ै !!

लारै सरकार ओजना चलाई कै .....रिपिया पीसा हुवो चाहे ना हुवो , फ़ोकट में खातो खुलाओ ।

आ ओजना भोत जोरकी है भायड़ो , रीपिया पीसा हाथ को मैल है ...इज्जत जरूरी है और इज्जत खातर ए टी एम जरूरी !!!

तो मैं बैंक में खातो खुलवा लियो । दूसरै दिन मैं बैंक में ए टी एम् कार्ड ल्याण गयो । एक चश्मा लगायेड़ी मैडम कम्पुटर में देख के बोली -

- थारै खातै में तो चोवान्नी ही कोनी ....ए टी एम् को के करस्यो ?

मन्नै रीस आ गी , मैं बोल्यो -

" दांत कुचरस्यूं ....थानै मतलब ??"

जणा मैडम बोली -

" दांत कुचरो तो बाड़ स्यूं घोचो तोड़ो ....ए टी एम् लेणों है तो पैली खातै में रीपिया जमा कराओ "

तेरा भला हुवै ....किस्मत में इज्जत लीखेड़ी ही कोनी , अबै रीपिया कठै स्यूं ल्याऊं ?

फेर मैं मेरो दिमाग चलायो !

मैं रामप्रकाश कन्नै गयो और बोल्यो - "यार रामा पांच सौ का छुट्टा दे ।"

रामे दस , बीस, पचास का पुराणा पुराणा लोट गिण गे पांच सौ रीपिया दे दिया ।

मैं बोल्यो - दस मिनट रुक ।

इतो कैह के मैं बैंक में गयो और मैडम नै रीपिया पकड़ा दिया ।

" ल्यो मैडम जी ....करो जमा और मेरो ए टी एम् कार्ड देवो "

मैडम रीपिया जमा कर लिया और मन्नै कार्ड दे दियो ।

मैं बैंक स्यूं बाहर आयो और ए टी एम् स्यूं पांच सौ रिपिया पाछा काढ के रामे नै दे दिया ।

आज एक साल हुग्यो ....खातो बियां ही पड्यो है खाली दो इंट्री है - पांच सौ रीपिया जमा और पांच सौ रीपिया नावैं !
बाकी ऐ टी एम् कार्ड भोत काम आवै

- तरबूज बनार लेवो , दांत कुचर लेवो , चिलम में खीरो घाल लेवो ।
भायाँ थ्हारे लोगां कन्ने भी एटीएम लिएड़ो होगो
फेर भी कोई कने नहीं है तो थ्हे भी जल्दी स्यूं बैंक 🏦 मे रिपीया जमा कराय के एटीएम 🏧 निकळवाल्यो
ओ भोत काम आवे है

Find us on